2021-mi ukiup affaani siullermi 2020-mut ukiup affaanut siullermut naleqqiullugu qalerallit saarulliillu akii appariarput kinguppaallu akii taamaaginnarlutik.

Kalaallit Nunaanni Naatsorsueqqissaartarfiup aalisakkat akiinut naleqqersuutit 2021-mi ukiup affaanut siullermut tunngasut saqqummersippai. Aalisakkat tassaapput kinguppaat, qalerallit saarulliillu tunisassiat, 2010-mut oqimaalutarneqartut.

 

Agguaqatigiissillugu kiilumut akinik naleqqersuutinik naatsorsuinermi Kalaallit Nunaata avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleqqersuutit Kalaallit Nunaanniit annissinermi akigitinneqartoq atorneqarluni.

 

Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuummut oqimaalutaq aaliangersimasoq Laspeyres-mi taaneqartartoq atorneqarluni.

 

Aalisakkat akiinut naleqqersuut ukiup affakkaartumik

Malugiuk: Kisitsisaataasivimmik kisitsisit takukkit https://bank.stat.gl/fin009 

 

Aalisakkat akii agguaqatigiissillugu 2020-mi ukiup affaani siullermiit 2021-mi ukiup affaanut siullermut ima nikeriarsimapput:

 

·         Kinguppaat akii 1 procentimik qaffariarput.

·         Qalerallit akii 13 procentinik appariarput.

·         Saarulliit akii 9 procetinik appariarput.

       

Kalaallit Nunaanni Naatsorsueqqissaartarfiup nittartakkamini https://bank.stat.gl/FIN009–mi tamanut saqqummiussaani naleqqersuutit ineriartorneri takuneqarsinnaapput.